საქართველოს განათლებისა და მეცნიერების სამინისტროს სსიპ შოთა რუსთაველის ეროვნული სამეცნიერო ფონდი, მეცნიერების პოპულარიზაციის კუთხით იწყებს საჯარო სამეცნიერო პოპულარული ლექციების  ციკლს სკოლის მოსწავლეთათვის. მეცნიერების პოპულარიზაციის პროგრამის    ფარგლებში, რომლის დევიზია ,,მეცნიერება იწყება სკოლიდან”     ფონდი მიზნად ისახავს ახალგაზრდა, წარმატებული ახალგაზრდა მეცნიერების მიერ, მეცნიერების სხვადასხვა დარგში მოსწავლეებისთვის საჯარო ლექციების ჩატარებას. ფონდის მიერ დაფინანსებული პროექტის ავტორები, უცხოეთში სამეცნიერო კვლევითი სტაჟირებიდან დაბრუნების შემდეგ, სკოლის მოსწავლეებს გაუზიარებენ მეცნიერებაში მიმდინარე სიახლეებს. ნოემბრის თვეში ჩასატარებელი საჯარო ლექციების განრიგი იხილეთ ბმულზე.  

31 ოქტომბერს, შოთა რუსთვაელის ეროვნული სამეცნიერო ფონდის ორგანიზებით, გაიმართა NSF- ამერიკის ეროვნული სამეცნიერო ფონდის საერთაშორისო მეცნიერებისა და ინჟინერიის პროგრამის დირექტორის, მაია კუკლას შეხვედრა ქართველ მეცნიერებთან. მაია კუკლამ ქართველ მეცნიერებს გააცნო ამერიკის ეროვნული სამეცნიერო ფონდის მუშაობის სპეციფიკა და გართველ მეცნიერებს გაუზიარა გამოცდილება.

31 ოქტომბერს შოთა რუსთაველის ეროვნულ სამეცნიერო ფონდში, სადოქტორო საგანმანათლებლო პროგრამების განვითარების საგრანტო კონკურსში მონაწილეობის მსურველთათვის, გაიმართა საკონსულტაციო დღე. საკონსულტაციო შეხვედრაზე პროგრამის კოორდინატორებმა მოსულ საზოგადოებას განუმარტეს საგრანტო პროექტის წესი, პირობები და უპასუხეს  მეცნიერთა შეკითხვებს.

შოთა რუსთაველის ეროვნული სამეცნიერო ფონდი, მეცნიერების პოპულარიზაციის მიზნით, იწყებს გრანტიორთა საჯარო ლექციებს სკოლის მოსწავლეებისთვის.  29 ოქტომბერს ილიას სახელმწიფო უნივერსიტეტის პროფესორმა გია ჯავახიშვილმა თელავის მუსხელიშვილის სახელობის მე-3 საჯარო სკოლაში ჩაატარა სამეცნიერო-პოპულარული ლექცია.

27-28 ოქტომბერს შოთა რუსთაველის ეროვნული სამეცნიერო ფონდის ორგანიზებით, საერთაშორისო სტანდარტების შესაბამისი მაღალი ხარისხის მეცნიერული კვლევების ხელშეწყობისა და საქართველოს მეცნიერთა საერთაშორისო სამეცნიერო სივრცეში ინტეგრირების მიზნით,  ჩატარდა ტრეინინგი საქართველოს მეცნიერთათვის და კვლევითი ინსტიტუციების მიერ დასახელებული პირებისათვის. ტრენინგს უძღვებოდა  ტალინის უნივერსიტეტის დოქტორი აბელ პოლესე.  ტრეინინგი - ‘ Navigating H2020 and its rules principles Opportunities and challenges  for Georgian scientists’ შეეხო ევროკავშირის კვლევისა და ინოვაციის ჩარჩო პროგრამა ,,ჰორიზონტი 2020”-ში და საერთაშორისო სამეცნიერო-კვლევით კონკურსებში საქართველოს მეცნიერთა ჩართულობის შესაძლებლობებს, კვლევითი პროექტების დაფინანსების მოპოვების საშუალებებს, საერთაშორისო სამეცნიერო კავშირების დამყარებისა და კოლაბორაციის გაზრდის გზებს.  ტრეინინგის დასრულების შემდგომ, მონაწილეები მიღებული ინფორმაციას და ცოდნას გაუზიარებენ კოლეგებს  თავიანთი ინსტიტუციებში პრეზენტაციისა თუ სამუშაო შეხვედრის ფორმატში.

შოთა რუსთაველის ეროვნული სამეცნიერო ფონდი ავრცელებს ინფორმაციას მიმდინარე წლის 27-28 ოქტომბერს დაგეგმილი კონფერენციის შესახებ - ‘Frontier Research and Science Diplomacy’ კონფერენციის შესახებ ინფორმაცია და განახლებული დღის წესრიგი იხილეთ ბმულზე. დაინტერესების შემთხვევაში,  შეგიძლიათ თვალყური ადევნოთ კონფერენციის მიმდინარეობას ონლაინ რეჟიმში: Web streaming:   27 ოქტომბერი (გადადით ბმულზე)   

ევროპული კვლევების საბჭოს (ERC) მორიგი საინფორმაციო ბიულეტენი გამოქვეყნდა.  #3  ნომრის გასაცნობად, ეწვიეთ  ვებ-გვერდს