შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრტანტო კონკურსის ფარგლებში, შალვა ბარჯაძე იმყოფებოდა 23-ე საერთაშორისო კონფერენციაზე, მიძღვნილი მიწისქვეშა ბიოლოგიისათვის სადაც მან წარადგინა მოხსენება: Plutomurus-ში  (Collembola, Tomoceridae) სახეობების დიაგნოზირებისათვის ნიშან-თვისებების სისტემა და კრიტერიუმები 2 ახალი სახეობის აღწერით საქართველოს მღვიმეებიდან (კავკასია). მოხსენებაში აღწერილია, ილუსტრირებულია და დიფერენცირებულია სხვა მორფოლოგიურად ახლომონათესავე სახეობებისაგან გვარ Plutomurus-ის 2 ახალი სახეობა—P. revazi sp. nov. პრომეთესა და საწურბლიის მღვიმეებიდან და P. eristoi sp. nov. სათევზიას მღვიმიდან. მაღალი ცვალებადობა P. revazi sp. nov.-ის ბრჭყალის, უნგუიკულუსის და მუკროს კბილაკების რიცხვში უჩვენებს, რომ ეს ნიშან-თვისებები არ არიან გამოსადეგი სახეობების დიაგნოზირებისათვის. მიუხედავად ამისა, დორსალური ქეტოტაქსია იყო ნაჩვენები რომ არის მყარი ნიშან-თვისება ამ მიზნისათვის. დნმ-ის თანმიმდევრობების ანალიზი COI და 28S გენებისათვის არის შესაბამისობაში სახეობის დონის ჯგუფებთან, რომლებიც გამიჯნულია ქეტოტაქსიით და ამგვარად უზრუნველყოფს დამატებით მხარდაჭერას ქეტოტაქსიისათვის, როგორც ყველაზე საიმედო მორფოლოგიური ნიშან-თვისების სისტემისა Plutomurus-ის სახეობების განსხვავებისათვის. უზრუნველყოფილია საქართველოში ნაპოვნი Plutomurus-ის გვარის სახეობების სარკვევი, რომელიც პირველად შეიცავს მაკროქეტოტაქსიის ნიშან-თვისებებს.

2016 წლის 23 სექტემბერს საქართველოს ეროვნულ მუზეუმში ჩატარდა საერთაშორისო სემინარი: "ეგეოსური სამყარო და სამხრეთ კავკასია:კულტურული ურთიერთობები ბრინჯაოს ხანაში", რომელიც გაიმართა შოთა ღუსთაველის ეროვნული სამეცნიერო ფონდისა და იტალიის კვლევების ეროვნული საბჭოს (CNR) ერთობლივი პროექტის ფაგრლებში.      

2016 წლის 20 სექტემბერს საქართველოში დაგეგმილი მეცნიერებისა და ინოვაციების კვირეულის ფარგლებში კავკასიის უნივერსიტეტმა მიმდინარე სამეცნიერო პროექტი წარმოადგინა. პროექტის სამეცნიერო ხელმძღვანელმა, პროფესორმა თემურ ხუციშვილმა საზოგადოებას წარუდგინა 2016 წელს ისტორიულ ტაოში ახლადგამოვლენილი ძეგლები, აქვე წარმოდგენილი იყო ფოტო და ვიდეო მასალა. პროექტი ,,თურქეთში მდებარე ქათული ისტორიული მხარეების კოლა-არტანისა და ტაო-კლარჯეთის ქართული მატერიალური კულტურის ძეგლების კატალოგი’’ 2014 წელს შოთა რუსთაველის ეროვნული სამეცნიერო ფონდმა დააფინანსა და დღემდე წარმატებით ხორციელდება.2016 წლის ბოლოს, პროექტის დასასრულს, გამოიცემა ტაო-კლარჯეთის კულტურის ძეგლების სამტომეული.

2016 წლის 28 სექტემბერს საქართველოს სოფლის მეურნეობის მეცნიერებათა აკადემიაში ჩატარდა საერთაშორისო სამეცნიერო კონფერენცია „ ეკოლოგიურად სუფთა  პროდუქტების წარმოების თანამედროვე ტექნოლოგიები სოფლის მეურნეობის მდგრადი განვითარებისათვის ” . კონფერენცია ჩატარდა შოთა რუსთაველის ეროვნული  სამეცნიერო ფონდის ფინანსური მხარდაჭერით .

პროგრამა “ დეგრადიდებული მიწების აღდგენის ტექნოლოგია ” განხორციელდა აშშ-ის სამოქალაქო კვლევებისა და განვითარების ფონდის ( CRDF -Global ), სსიპ - შოთა რუსთაველის ეროვნული სამეცნიერო ფონდისა და საქართველოს სამეცნიერო-ტექნოლოგიური განვითარების ფონდის (სსგფ) „მეცნიერებისა და ტექნოლოგიების სამეწარმეო პროგრამის (STEP) - იდეიდან ბაზრიკენ“ მხარდაჭერით ,  „ადამიანის ჰარმონიული განვითარების ხელსემწყობი საზოგადოების“ მიერ.

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, გიორგი დალაქიშვილმა მიიღო მონაწილეობა ევროპის გეოცნიერებათა კავშირის გენერალური ასამბლეა 2016 -ში, სადაც მან წარადგინა სასტენდო მოხსენება ატმოსფეროს ფიზიკისა და მზე-დედამიწა კავშირების გაერთიანებულ სექციაში. მოხსენების სათაურია: მიმოქცევითი მოძრაობებით გამოწვეული ქარი როგორც შესაძლო დამაკავშირებელი ატმოსფერული ტალღების დინამიკისა და სპორადული ფენის ფორმირების პროცესისა. მოხსენების თანაავტორები  არიან: გოდერძი დიდებულიძე და გიორგი მათიაშვილი. მათ კვლევაში ნაჩვენები იყო თუ როგორ შეიძლება ატმოსფეროში აღძრულმა გრიგალური ტიპის შეშფოდებამ წარმოქმნას სპორადული E ფენა. ღონისძიება ჩატარდა 2016 წლის 17-22 აპრილს ქ.ვენაში (ავსტრია). მასში მონაწილეობდნენ 109 ქვეყნიდან წარმოდგენილი 13,650 მეცნიერი. ასამბლეაზე სხვადასხვა სექციაში წარდგენილი იყო სხვადასხვა თემატიკის მოხსენებები და ლექციები, რომლებიც ეხებოდა ისეთ საკითხებს როგორიცაა-ატმოსფეროს ფიზიკა, ბიო-გეო მეცნიერებები, კლიმატი, არაწრფივი პროცესები გეომეცნიერებაში, მზე-დედამიწა კავშირები და სხვა.

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრტანტო კონკურსის ფარგლებში, ოლღა წურწუმიამ წარადგინა მოხსენება : “ალუმინის  სუსპენზიით დაფარული იზოთერმულად დამუ­შავებული დეფორმირებადი თუჯის   წინასწარი მაღალტემპერატურული ჟანგვის ექსპერიმენტები“.  2016 წლის 15-20 მაისს, საფრანგეთში გამართულ , მე-9 საერთაშორისო სიმპოზიუმი მაღალტემპერატუ­რულ კოროზიასა და მასალების დაცვაში. აღნიშნული სიმპოზიუმის ორგანიზატორი იყო ტულუზის ეროვნული პოლიტექნიკური ინსტიტუტი. ღონისძიების შესახებ ინფორმაცია იხილეთ ბმულზე

2016 წლის 28 ივლისს კორნელი კეკელიძის სახელობის ხელნაწერთა ეროვნულ ცენტრში ჩატარდა შოთა რუსთაველის ეროვნული სამეცნიერო ფონდის მხარდაჭერით და დაფინანსებით მიმდინარე ქართველოლოგიური საზაფხულო სკოლის „ქართული ხელნაწერის“ დახურვის ცერემონია. საზაფხულო სკოლის მონაწილეებმა წარმოადგინეს თავიანთი პრეზენტაციები და მათ საზეიმოდ გადაეცათ კუთვნილი სერტიფიკატები.  

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრტანტო კონკურსის ფარგლებში, ნათია ებანოიძემ წარადგინა მოხსენება: „წარსულის რეკონსტრუქცია/იდენტობის კონსტრუქცია: ლევან ჭოღოშვილის „განადგურებული არისტოკრატია“ წარმოდგენილი იყო სესიაზე „ფოტო/მეხსიერება: მეხსიერებისა და იდენტობის აღდგენა ფოტოგრაფიის საშუალებით 20-ე საუკუნის კულტურულ პროდუქციაში“. 2016 წლის 7-9 აპრილს, ედინბურგის უნივერსიტეტში, ხელოვნების ისტორიკოსთა ასოციაციის (AAH) ყოველწლიური კონფერენციაზე, რომლის მიზანი იყო თანამედროვე სახელოვნებათმცოდნეო კვლევის მრავალმხრივობის, მასშტაბისა და მნიშვნელოვნების წარმოჩენა. აკადემიური სესიები და მოხსენებები მოიცავდა მრავალფეროვან თემატიკას: იდენტობის კვლევებიდან თანამედროვე ხელოვნებისა და ვიზუალური კულტურის კვლევის საკითხებამდე. მოხსენებაში განხილული იყო ლევან ჭოღოშვილის მიერ 1975-85 წლებში შესრულებული ფერწერული სერია, რომელსაც მხატვარი 19-ე საუკუნის ფოტოებზე დაყრდნობით ქმნიდა. ნამუშევრები განიხილებოდა როგორც ფოტოს მხატვრული ინტერპრეტაციის გზით ახალი კონტექსტის შექმნის, რეჟიმის მიმართ პროტესტის გამოხატვის, ალტერნატიული ღირებულებების მოძიებისა და ახალი კულტურული იდენტობის კონსტრუირების მცდელობა.

22 ივლისს , 12:00 საათზე , ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე სამეცნიერო პროექტის „ლუკას სახარების ძველი ქართული თარგმანის აკადემიური გამოცემის მომზადება“ (ფუნდამენტური კვლევებისათვის სახელმწიფო სამეცნიერო გრანტი N31/64) შედეგების პრეზენტაცია გაიმართა. პროექტი ხორციელდებოდა 2013-2016 წლებში პროფესორ დარეჯან თვალთვაძის ხელმძღვანელობით, სსიპ – შოთა რუსთაველის ეროვნული სამეცნიერო ფონდის დაფინანსებით.