შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, თეა არაბულმა მიიღო მონაწილეობა ევროპის     აკაროლოგთა მე-8 სიმპოზიუმზე, სადაც მან გააკეთა პრეზენტაცია თემაზე: „მორფოლოგიური ცვალებადობა საქართველოს (კავკასია) პოპულაციებში“. ევროპის აკაროლოგთა ასოციაციის  სიმპოზიუმი ტარდება ყოველ 4 წელიწადში ერთხელ ევროპის ქვეყნებში, ღონისძიება პირველად ჩატარდა 1988 წელს ავსტრიაში. წელს მე-8 სიმპოზიუმი ჩატარდა ესპანეთში, ქალაქ ვალენსიაში. ღონისძიებაში მონაწილეობას იღებენ ამერიკის, ბრაზილიის, იაპონიის, აზიის და აფრიკის  ქვეყნების წამყვანი მეცნიერები. სიმპოზიუმის ფარგლებში წარმოდგენილი იყო მოხსენებები მავნებელი, პარაზიტი, მტაცებელი და თავისუფლად მცხოვრები ტკიპების სხვადასხვა ჯგუფების ბიოლოგიის, ეკოლოგიის, გენეტიკის და ფილოგენიის შესახებ.

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, ნათია ხულუზაურმა მიიღო მონაწილეობა COM-ის 24-ე გენერალური კონფერენციაზე: “მუზეუმები და კულტურული ლანდშაფტები” / ICOM-ის კოლექციებისა და არქოლოგიური და ისტორიული მუზეუმების საერთაშორისო კომიტეტის (ICMAH) კონფერენციაზე „მუზეუმები, ტერიტორიები და საზოგადოებები,“ სადაც მან წარადგინა პრეზენტაცია თემაზე: „არქეოლოგიური ძეგლების კომუნიკაციის სტრატეგია, საქართველოს ეროვნული მუზეუმის დმანისის, ძალისას და ვანის არქეოლოგიური მუზეუმ-ნაკრძალების მაგალითზე“. საქართველოს ეროვნული მუზეუმი 2004 წელს შეიქმნა და ქვეყნის მთავარი მუზეუმები გააერთიანა. კომპლექსური რეაბილიტაციისა და განახლების პროცესი, რომელიც თანამედროვე სამუზეუმო სტანდარტებზე გადასვლას ითვალისწინებს მალევე დაიწყო. მეგობრული, ინტერაქციული გარემოს შექმნა დამთვალიერებლისთვის, რომელსაც სასიამოვნოდ უნდა შეეძლოს დროის გატარება და ამავდროულად ცოდნის შეძენა რეაბილიტაციის პროცესის ერთ-ერთ პრიორიტეტს წარმოადგენს. დმანისის განახლებული მუზეუმი, სადაც 1.8 მილიონი წლით დათარიღებული ადამიანის წინაპრის ნაშთები აღმოჩნდა 2009 წელს გაიხსნა. ვიზიტორებს აქ უნიკალური შანსი ეძლევათ იხილონ შუა საუკუნეების ნაქალაქარი, ბრინჯაოს ხანისა და პრეისტორიული არქეოლოგიური ძეგლები და ამავროულად ახლოდან უმზირონ არქეოლოგების მუშაობის პროცესს და გაესაუბრონ მათ. ვანის მუზეუმ-ნაკრძალი დასავლეთ საქართველოში მოიცავს სატაძრო ქალაქის ნანგრევებს, მუზეუმსა და არქეოლოგიურ ბაზას. ადგილობრივი ელიტის მდიდრული სამარხები ძვ.წ. მე-5 - მე-4 საუკუნეებით თარიღდება. სწორედ ვანის აღმოჩენები ხსნიან თუ რატომ მოიხსენიებოდა კოლხეთი როგორც „ოქრომრავალი“ ბერძნულ-რმაულ წყაროებში. ძალისას მუზეუმ-ნაკრძალი ძვ. წ. მე-2 - ახ.წ. მე-4 საუკუნეებით თარიღდება და ერთ-ერთი ყველაზე მნიშვნელოვანი არქეოლოგიური ძეგლია იბერიის (ქართლის) ისტორიულ სამეფოში. ქუჩები და ეზოები, საჯარო შენობები და მოზაიკით გაწყობილი იატაკები იქნა აღმოჩენილი ნაქალაქარში. პრეზენტაცია ეხება საქართველოს ეროვნული მუზეუმის კომუნიკაციის სტრატეგიას არქეოლოგიურ მუზეუმ-ნაკრძალებთან მიმართებაში. იმას, თუ როგორ ვმუშაობთ დამთვალიერებელთათვის შექმნილი გარემოს კიდევ უფრო გასაუმჯობესებლად დმანისში და ვქმნით მას ვანსა და ძალისაში, რომლებიც სარეაბილიტაციო სამუშაოების დასრულების შემდეგ გაიხსნება.  

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, 2016 წლის 22-25 ივნისს, გიორგი ქუთელიამ მიიღო მონაწილეობა ბულგარეთის ქალაქ ვარნაში ჩატარებული IV-საერთაშორისო სამეცნიერო კონგრესში თემაზე „მანქანები სოფლის მეურნეობაში“. კონგრეს ესწრებოდნენ: იტალიის, საქართველოს, თურქეთის, რუსეთის, ირანის, ყაზახეთის, ბელორუსიის, ბულგარეთის, პოლონეთის, ჩეხეთის, მაკედონიის და პაკისტანის წარმომადგენლები. კონგრესზე წარმოდგენილი მოხსენებები განაწილებულ იქნა 3 კატეგორიად, თემატიკის მიხედვით: „სასოფლო სამეურნეო მანქანები“. კვლევა და ტესტირება. ახალი კონსტრუქციები „მანქანის და მექანიზმების“. „ძრავები“. სატრანსპორტო საშუალებები. სატრანსპორტო ტექნოლოგიები. ტექნიკური მომსახურეობა და რემონტი სასოფლო სამეურნეო მანქანების. „მანქანების გამოყენება. ინოვაციური ტექნოლოგიები. ელექტრო ტექნოლოგიების გამოყენება. კონგრესზე, მოხსენებების და პოსტერების ჯამი შეადგენდა 76-ს. გიორგი ქუთელიას  მიერ წარდეგენილ იქნა თემა: „ საქართველოს სამთო პირობებში მომუშავე გუთნების მუშაობის თავისებურებანი და მათი სახნისების ცვეთის კანონზომიერებანი“.  

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, იმედა რუბაშვილმა მიიღო მონაწილეობა მე–6–ე საერთაშორისო კონგრესში ქიმიური, ბიოლოგიურ და გარემოსდაცვით მეცნიერებებზე (ICCBES 2016) 2016. წლის 10-12 მაისს , სადაც მან წარადგინა პრეზენტაცია თემაზე : „თამბაქოს გამონაბოლქვიდან აქროლადი N–ნიტროზამინების მოცილება ადგილობრივი ბუნებრივი ცეოლითების გამოყენებით“. კონგრესის ორგანიზატორი იყო ოსაკას უნივერსიტეტი და უმაღლესი განათლების ცენტრი; კონგრესზე წარდგენილი მოხსენებები დაიბეჭდა თეზისების კრებულში და მასში მონაწილეობა მიიღო მსოფლიოს 40–მდე ქვეყნის 300–მდე  მეცნიერმა; კონგრესი მოიცავდა, როგორც სამეცნიერო მუშაობას – პლენარულ, სექციურ სხდომებს, ასევე  სტენდურ მოხსენებებს,სოციალურ სადილებს, დახურვის საღამოსა და იაპონური კულტურის გაცნობისთვის სპეციალურად მომზადებულ გასართობ ღონისძიებებს.

2016 წლის 20 ოქტომბერს ივანე ჯავახიშვილის სახელობის თბილისის სახელმწიფო უნივერსიტეტში შოთა რუსთაველის ეროვნული სამეცნიერო ფონდის ფუნდამენტური კვლევების სახელმწიფო სამეცნიერო გრანტის ფარგლებში საერთაშორისო კონფერენცია “საქართველოს ტერიტორიული ორგანიზაციის პრობლემატიკა” გაიმართა. (პროეტი - “საქართველოს ტერიტორიული მოწყობის პრობლემათა გადაწყვეტის გზები ბელგიისა და ესპანეთის ტერიტორიული მოწყობის შედარებით-სამართლებრივი ანალიზის ფონზე”. პროექტი განხორციელდა პროექტის აკადემიური ხელმძღვანელის, თსუ იურიდიული ფაკულტეტის ასოცირებული პროფესორის, ლელა ჯანაშვილის და სდასუს პროფესორის, სამართლის დოქტორის, გიორგი გოგიაშვილის მიერ). კონფერენციაში მონაწილეობა მიიღეს თსუ რექტორმა, გიორგი შარვაშიძემ, შერიგებისა და თანასწორობის საკითხებში სახელმწიფო მინისტრის პირველმა მოადგილემ, პეტრე კანკავამ, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილემ, შოთა რეხვიაშვილმა, შოთა რუსთაველის ეროვნული სამეცნიერო ფონდის გენერალური დირექტორის მოადგილემ, თინათინ ბოჭორიშვილმა,  პროფესორმა გიორგი ხუბუამ, ქართველმა და ესპანელმა სპეციალისტებმა.

2016 წლის 19 ოქტომბერს გაიხსნა მეორე კავკასიური საერთაშორისო სიმპოზიუმი, რომელიც შოთა რუსთაველის ეროვნული სამეცნიერო ფონდის დაფინანსებით ტარდება. მისასალმებელი სიტყვით სიმპოზიუმს ორგანიზატორმა, გურამ ქარაზანაშვილმა, შოთა რუსთაველის ეროვნული სამეცნიერო ფონდის გენერალური დირექტორის მოადგილემ, თინათინ ბოჭორიშვილმა და უცხოელმა სტუმრებმა მიმართეს. სიმპოზიუმს მრავალი ქვეყნის წამყვანი სპეციალისტი ესწრება. ღონისძიება 2016 წლის 21 ოქტომბერს დასრულდება.

17 ოქტომბერს, საქართველოს ეროვნული მუზეუმის საგანმანათლებლო დეპარტამენტის სააქტო დარბაზში წაკითხულ იქნა შოთა რუსთაველის ეროვნული სამეცნიერო ფონდის ფუნდამენტური კვლევების სახელმწიფო სამეცნიერო გრანტის გამარჯვებული პროექტის  - შორეული აღმოსავლეთისა და ინდოეთის კულტურის ძეგლები -საქართველოს ეროვნული მუზეუმის უცნობი კოლექციები /FR/372/2-150/14/  შუალედური ანგარიში -  სამეცნიერო კვლევათა წინასწარი შედეგები. საქართველოს ეროვნული მუზეუმის კოლექცია, რომელიც უკვე დიდი ხანია მსოფლიოს  საზოგადოების ინტერესის სფეროში მოექცა მსოფლიო მნიშვნელობის უნიკალური ექსპონატებით, განსაკუთრებით მდიდარია აღმოსავლური, და მათ შორის შორეული აღმოსავლეთის და ინდოეთის ხელოვნების ნიმუშებით.  საქართველოში აღმოსავლური ექსპონატებისადმი ინტერესი ჯერ კიდევ კავკასიაში პირველი სამუზეუმო ორგანიზაციების ამოქმედების პერიოდიდან, მე-19 ს-ის შუა წლებიდან მჟღავნდება. მრავალრიცხოვანი ექსპედიციისა და მოგზაურობის დროს კავკასიის მუზეუმის, საქართველოში და იმავდროულად - ამიერკავკასიაში პირველი დიდი მუზეუმის თანამშრომლები, მისი დირექტორის გუსტავ რადეს, მოგვიანებით კი - დირექტორის ალექსანდრე კაზნაკოვის თაოსნობით ხშირად ყიდულობდნენ აღმოსავლურ ნივთებს, რომლებიც ამ მუზეუმის საექსპოზიციო დარბაზებს ამშვენებდა.  მუზეუმში უამრავი ექსპონატი შემოდიოდა კერძო შემოწირულობების სახითაც, ცნობილი ადგილობრივი და უცხოელი მეცენატები, პოლიტიკოსები თუ ქართველი თავად-აზნაურობა ზრუნავდნენ მუზეუმის შემდგომ გაზრდა-გაფართოვებაზე. დიდი იყო ქართველ საზოგადო მოღვაწეთა და  კოლექციონერების  როლი;  პირველ რიგში აუცილებელია საგანგებოდ აღინიშნოს პირველი ქართველი ფოტოგრაფი ალ. როინაშვილი, რომელმაც საკუთარი აღმოსავლური კოლექცია უანგაროდ გადასცა ქართველთა შორის წერა-კითხვის გამავრცელებელ საზოგადოებას. დღესდღეობით ეს კოლექცია ეროვნული მუზეუმის ფონდებში ინახება. აღმოსავლური, მათ შორის  ინდოეთისა და შორეული აღმოსავლეთის (ჩინეთი, იაპონია) მატერიალური კულტურის საგულისხმო ნაწილის სამუზეუმო კოლექციად გადაქცევა, წერა-კითხვის გამავრცელებელი საზოგადოების გარდა, მნიშვნელოვანწილად  დაკავშირებულია ასევე საისტორიო –სათნოგრაფიო საზოგადოების და ექვთიმე თაყაიშვილის მოღვაწეობასთან. გრანტის ფარგლებში განხორციელებულმა კვლევებმა გამოავლინა  მრავალი ახალი გარემოება და ფაქტი, რამაც მეტი სიცხადე შეიტანა კოლექციის შექმნის იტორიაში. ვფიქრობთ, მიმდინარე საგრანტო პროექტისთვის ეს კვლევები საკვანძო მნიშვნელობისაა, ვინაიდან, სწორედ ამ ტიპის - კომპლექსური კვლევები, თანამედროვე სამეცნიერო სამყაროში სამუზეუმო ფასეულობების ატრიბუტირებისათვის  ყველაზე  გამართლებულ მეთოდად არის მიჩნეული. კოლექციის ატრიბუციის პარალელურად საინიციატივო ჯგუფმა იმუშავა სამეცნიერო-კვლევითი კუთხით; წინამდებარე ანგარიშში მნიშვნელოვანი ადგილი დაეთმო შორეული აღმოსავლეთის ქვეყნების რელიგიურ-ფილოსოფიურ სისტემათა თავისებურებების და ინდური, ჩინური და იაპონური მხატვრული აზროვნების მაგისტრალური ხაზის კვლევას. შეხვედრას ესწრებოდა უნივერსიტეტის აკადემიური პერსონალი და ფონდის თანამშრომლები.  

17 ოქტომბერს, ივანე ჯავახიშვილის სახელობის თბილისის სახელმწიფო უნივერსიტეტში  გაიხსნა შოთა რუსთაველის ეროვნული სამეცნიერო ფონდის „საკონფერენციო გრანტის“ ფარგლებში დაფინანსებული VII საერთაშორისო ქართველოლოგიური სიმპოზიუმი.  სიმპოზიუმის თემა - „საქართველო ევროპული ცივილიზაციის კონტექსტში“.    ღონისძიებას თსუ-ის რექტორი გიორგი შარვაშიძე, საქართველოს მთავრობის წარმომადგენლები, უცხოელი მეცნიერები ფილადელფიის, ბოსტონის, იერუსალიმის, ბირმინგემის, ტოკიოს,  ვარშავის,  თეირანის,  ვენეციის, ფრანკფურტის, ბრემენის, იენის, ნიურნბერგის, მაინცის, პარიზის, მადრიდის, ინსბრუკის, მოსკოვის, კიევის, რიზეს უნივერსიტეტებიდან და სამეცნიერო ცენტრებიდან, საქართველოს სხვადასხვა უმაღლესი სასწავლებლიდან და სამეცნიერო-კვლევითი ცენტრიდან. სიმპოზიუმის ფარგლებში იმუშავებს აკადემიური სექციები ქართველოლოგიური მეცნიერებების ყველა მიმართულებით: რუსთველი და რუსთველოლოგია, ივანე ჯავახიშვილი და ქართული ისტორიოგრაფია, ქართველური ენათმეცნიერება, შუა საუკუნეების ქართული ლიტერატურა, ახალი და უახლესი ქართული ლიტერატურა, ქართულ-საზღვარგარეთული ლიტერატურული ურთიერთობები, არქეოლოგია, საქართველოს ეკონომიკური და პოლიტიკური პერსპექტივები, ფოლკლორი, ეთნოლოგია, ქარტული ფილოსოფიის ისტორია, ქართული ხელოვნება. ქართველი და უცხოელი მეცნიერ-მკვლევრები წაიკითხავენ მოხსენებებს.  VII საერთაშორისო ქართველოლოგიური სიმპოზიუმი 22 ოქტომბერს დასრულდება. 

მიკროცირკულაციის და კლინიკური ჰემორეოლოგიის ევროპული საზოგადების XVIII კონფერენცია ჩატარდა ქ.ლისაბონის სამედიცინო უნივერსიტეტის და ცენტრალური ჰოსპიტალის ბაზაზე 2016 წლის 5-9 ივლისს. კონფერენცია ეძღვნებოდა მიკროცირკულაციის და რეოლოგიის ფუნდამენტურ საკითხებს, კვლევის ახალ მეთოდოლოგიას, ფარმაკოპრეპარატების მოქმედებას მიკროცირკულაციურ ქსელზე, ჯანდაცვის მენჯმენტის და პოლირიკის საკითხებს. მანწკავა მაიას მოხსენება ეხებოდა აქამდე შეუსწავლელ ჰემორეოლოგიური პარამეტრების ცვალებადობას ფიზიოლოგიური ორსულობის დროს. მისი თავჯდომარეობით გაიმართა სექცია, რომელზეც განიხილა რეოლოგიური თვისებების როლი სხვა და სხვა დაავადებათა წარმოქმნის მექანიზმში. ლისაბონის უნივერსიტეტში სტუმრობისას მაია მანწკავას და პორტუგალელ, ბულგარელ, გერმანელ კოლეგების მიერ ჩაეყარა ახალი მეთოდოლოგიის შემუშავების საფუძვლები. სავარაუდოთ იქნება წარდგენილი ერთობლივი კვლევითი პროექტი, რომელიც მიეძღვნება პაციენტის პერსონიზირებას (H2020). მიკროცირკულაციის და კლინიკური ჰემორეოლოგიის ევროპული საზოგადების XVIII კონფერენციაზე იყო დაანონსებული ააიპ რეოლოგთა საზოგადოების III საერთაშორისო მულტიდისციპლინური კონფერენცია (ორგანიატორი მაია მანწკავა). ეს დადებითად აისახა დელეგატების რაოდენობაზე. მიკროცირკულაციის და კლინიკური ჰემორეოლოგიის ევროპული საზოგადების XVIII კონფერენციის ფარგლებში გაიმართა რეფერირებადი ჟურნალის «Microcirculation and Clicical Hemorheology» ბორდის შეხვედრება. მანწკვა მაია გახლავთ ბორდის წევრი. მიკროცირკულაციის და კლინიკური ჰემორეოლოგიის ევროპული საზოგადების XVIII კონფერენციაში საქართველოს წარმომადგენელის მონაწილეობა ძალზე დადებითად აისახება რეოლოგიური ფუნდამენტური მეცნიერების და გამოყენებითი მედიცინის განვითარებაზე. ამის განხორციელება შესაძლებელი გახდა მაია მანწკავას, რუსთაველის სამეცნიერო ფონდის სამოგზაურო გრანტის დაფინანსებით.

შოთა რუსთაველის ეროვნული სამეცნიერო ფონდის მიერ დაფინანსებული ინდივიდუალური სამოგზაურო საგრანტო კონკურსის ფარგლებში, ლელა მწარიაშვილმა მიიღო მონაწილეობა კონფერენციაზე: მე-16 საერთაშორისო მულტიდისციპლინარული სამეცნიერო გეოკონფერენცია და ექსპო  SGEM 2016. მას ჰქონდა წარდგენილი 2 პრეზენტაცია ზეპირ მოხსენებაზე:  1.რადონი წყლის ბუნებრივ წყაროებში თბილისის არტეზიულ აუზებში, საქართველო; 2.შიგნითა რადონის დასაშვები ნორმების პარამეტრები ქალაქ თბილისის შენობებში - საქართველოს მთავარი ქალაქი. ასევე, გამოიცა კონფერენციის შრომათა კრებული, სადაც დაიბეჭდა მის მიერ დარეგისტრირებული სრული პუბლიკაციები.