შოთა რუსთაველის ეროვნული სამეცნიერო ფონდის 2014 წლის  ფუნდამენტური კვლევებისათვის სახელმწიფო სამეცნიერო გრანტების კონკურსში გამარჯვებული პროექტი : შორეული აღმოსავლეთისა და ინდოეთის კულტურის  ძეგლები -  საქართველოს ეროვნული მუზეუმის უცნობი კოლექციები  , ხელმძღვანელი : ნათია დემურიშვილი.(ისტორიის დოქტორი) საქართველოს ეროვნული მუზეუმის თანამშრომელი 2001 წლიდან. აღმოსავლური კოლექციების ასისტენტ-კურატორი. აღმოსავლური ხელოვნების  შესახებ  ლექციებს კითხულობს  ილიას სახელმწიფო უნივერსიტეტში და საქართველოს უნივერსიტეტში. ნ. დემურიშვილის სამეცნიერო ინტერესების სფერო მოიცავს აზიის ქვეყნების, კერძოდ, შორეული აღმოსავლეთის (ჩინეთი, იაპონია, კორეა) ხელოვნებისა და კულტურის თავისებურებათა კვლევას. მუშაობს შორეული აღმოსავლეთის ქვეყნების ხელოვნების ძეგლთა ინტერდისციპლინარული კვლევების მიმართულებით, იკვლევს  ჩინური კულტურის როლს აღმოსავლურ კულტურათა და ცივილიზაციათა ფორმირებაზე, სწავლობს შორეული აღმოსავლეთის ქვეყნების რელიგიურ-ფილოსოფიური განვითარების თავისებურებებს, კულტურათა ურთიერთგავლენებს  და სხვ.    სისტემატურად მონაწილეობს საერთაშორისო თუ ქვეყნის მასშტაბით ორგანიზებულ სამეცნიერო კონფერენციებში.  არის 30-ზე მეტი  სამეცნიერო სტატიის, მონოგრაფიის, კატალოგის ავტორი . პროეტის ძირითადი პერსონალი: მარინა დგებუაძე -აღმოსავლეთმცოდნეობის მაგისტრი. აღმოსავლური კოლექციების კურატორი. მუზეუმის თანამშრომელი 1972 წლიდან. მისი სამეცნიერო ინტერესების სფერო მოიცავს აზიის  ქვეყნების ისტორიის და ხელოვნების თავისებურებების კვლევას. სწავლობს საქართველოს და აღმოსავლური სამყაროს ისტორიულ-პოლიტიკურ და სოციალურ - კულტურულ ურთიერთობებს. მუშაობს საარქივო დოკუმენტაციაზე, იკვლევს საფონდო კოლექციების წარმომავლობას და მუზეუმში კოლექციათა დაუნჯების ისტორიას. მუშაობს აღმოსავლურ კოლექციებში დაცული ხელნაწერების, მინიატიურებისა და ეპიგრაფიკული ძეგლების ატრიბუციაზე. არის 20-ზე მეტი სამეცნიერო კვლევის, სამეცნიერო კატალოგის და მონოგრაფიის ავტორი. ირინა გუგუნავა -ხელოვნებათმცოდნეობის დოქტორი. საქართველოს ეროვნული მუზეუმის თანამშრომელი 2003 წლიდან. აღმოსავლური კოლექციების ასისტენტ-კურატორი. მისი სამეცნიერო ინტერესების სფერო მოიცავს აზიის ქვეყნების დეკორატიულ-გამოყენებითი ხელოვნების განვითარების ეტაპებისა და თავისებურებების კვლევას. კურირებს აღმოსავლური ლითონის ფონდს. ი.გუგუნავა იკვლევს და აქვეყნებს სტატიებს აღმოსავლური ქვეყნების, პრიორიტეტულად ლითონის კოლექციებზე: სწავლობს შორეული აღმოსავლეთის ქვეყნების (ჩინეთი, იაპონია) და ინდოეთის ბუდისტურ  კოლექციებს, სარიტუალო პლასტიკას, ჭურჭელს და სხვ. სისტემატურად მონაწილეობს საერთაშორისო თუ ქვეყნის მასშტაბით ორგანიზებულ სამეცნიერო კონფერენციებში. არის 10-ზე მეტი სამეცნიერო კვლევის ავტორი. მარინე ალექსიძე -ფილოლოგიის დოქტორი, თსუ ასოცირებული პროფესორი. მისი სამეცნიერო ინტერესების სფერო მოიცავს ირან-საქართველოს ურთიერთობებს XVII-XIX სს-ში. პროექტის ფარგლებში იკვლევს საქართველოს ეროვნული მუზეუმის აღმოსავლურ კოლექციებში დაცულ ინდო-სპარსულ ექსპონატებს. მუშაობს  ინდო-სპარსულ ეპიგრაფიკასა და სიმბოლიკაზე. არის 5 მონოგრაფიის და 30-ზე მეტი სამეცნიერო კვლევის ავტორი. შორეული აღმოსავლეთისა და ინდოეთის კულტურის  ძეგლები -   საქართველოს ეროვნული მუზეუმის უცნობი კოლექციები საქართველოს ეროვნულ მუზეუმში დაცულია ინდოეთის და შორეული აღმოსავლეთის ქვეყნების – ჩინეთისა და იაპონიის ხელოვნებისა და კულტურის ამსახველი  ფასეული კოლექცია, რომლის ქრონოლოგიური და გეოგრაფიული სპექტრი უაღრესად ფართოა. მიუხედავად საქართველოში აღმოსავლეთმცოდნეობის ძლიერი სკოლის არსებობისა, შორეული აღმოსავლეთის და ინდოეთის კულტურული მემკვიდრეობის კომპლექსური შესწავლა სათანადოთ არ განხორციელებულა. შოთა რუსთაველის ეროვნული სამეცნიერო ფონდის დაფინანსებით შესაძლებელი გახდა ამ ხარვეზის შევსება. სამწლიანი პროექტის ფრაგლებში მიმდინარეობს მუზეუმში  დაცული შორეული აღმოსავლეთის ქვეყნების – ჩინეთისა და იაპონიის, აგრეთვე ინდოეთის მატერიალური კულტურის ამსახველი ძეგლების ატრიბუცია, საქართველოს და აღმოსავლური სამყაროს ისტორიული და სოციალურ - კულტურული ურთიერთობების  შესწავლა, სამუზეუმო კოლექციების პოპულარიზაცია და ა.შ. გრანტის ფარგლებში განხორციელდა  ხელოვნების ნიმუშთა კვლევა, კლასიფიკაცია, სრული  დიგიტალიზაცია და პასპორტიზაცია. საინიციატივო ჯგუფი სამეცნიერო კვლევებს ახორციელებს მრავალი მიმართულებით. პროექტის ფარგლებში მონაწილეობა მივიღეთ     საქართველოს ეროვნული მუზეუმის და ქვეყნის წამყვანი უნივერსიტეტებისა (თსუ, ილიას სახელმწიფო უნივერსიტეტი, საქართველოს უნივერსიტეტი) მიერ ორგანიზებულ სამეცნიერო  კონფერენციებში, ასევე უცხოეთის წამყვან სამეცნიერო ინსტიტუციებში მოწყობილ სამეცნიერო სესიებში (სახელმწიფო ერმიტაჟი, რუსეთი; კემბრიჯის უნივერსიტეტი, დიდი ბრიტანეთი) სადაც საზოგადოებას წარვუდგინეთ გრანტის  ფარგლებში განხორციელებული სამეცნიერო სიახლეები. კვლევის ერთ-ერთი მნიშვნელოვანი მიმართულებაა   კოლექციათა წარმომავლობის ისტორიის მოძიება.  გრანტის ფარგლებში შესაძლებელი გახდა იმ მდიდარი ისტორიული დოკუმენტაციის  დამუშავება, რომელიც მუზეუმის არქივშია  დაცული.  როგორც ცნობილია,  ჩვენს ქვეყანაზე გადიოდა ე.წ. აბრეშუმის გზა, უმნიშვნელოვანესი სავაჭრო--საქარავნო მაგისტრალი, სწორედ  ამ გზის დამსახურებით,  საქართველოში შორეული წარსულიდან იცნობდნენ და აფასებდნენ აღმოსავლურ კულტურას.  საქართველოს ეროვნულ მუზეუმში დაცული ჩინური, იაპონური თუ ინდური ხელოვნების ნიმუშები  საშუალებას გვაძლევს თვალი გავადევნოთ  საქართველოსა და აღმოსავლური სამყაროს სავაჭრო-კულტურული ურთიერთობების  ისტორიას.  იმავდროულად, ჩვენი კოლექციის დარგობრივი მრავალფეროვნება შესაძლებლობას გვაძლევს განვსაზღვროთ შორეული აღმოსავლეთისა და ინდური ხელოვნების ინდივიდუალიზმი და  მხატვრული ესთეტიკა. გრანტის ფარგლებში დადგინდა ცალკეულ კოლექციათა წარმომავლობა. განსაკუთრებული მნიშვნელობა ჰქონდა XVIII-XIX საუკუნეებში საქართველოს ეროვნული მუზეუმის წინამორბედი კავკასიის მუზეუმის თანამშრომელთა მიერ ორგანიზებულ არქეოლოგიურ და ეთნოგრაფიულ ექსპედიციებს, რომლის შედეგადაც, როგორც  არქივის კვლევამ აჩვენა,  ჩვენს მუზეუმში თავი მოიყარა ჩინური ბუდისტური პლასტიკის უნიკალურმა კოლექციამ, შუა საუკუნეების ჩინურმა ფერწერამ, კარამიკამ, აგრეთვე ინდურმა ქსოვილებმა და სხვ.   საარქივო დოკუმენტაციის კვლევამ გამოავლინა აგრეთვე XIX-XX სს-ის სამუზეუმო შესყიდვების დეტალები;,  უამრავი მეცენატი,  რომლებმაც უსასყიდლოდ გადმოსცეს მუზეუმს ჩინური, იაპონური თუ ინდური ხელოვნების ძვირფასი ნუმუშები და  კოლექციები და ა.შ. უმნიშვნელოვანესია  გრანტის ფარგლებში დაგეგმილი და სწორედ გრანტის სახსრებით განხორციელებული  სარესტავრაციო-საკონსერვაციო სამუშაოები,  რომლებიც ჩაუტარდა იმ ჩინურ, იაპონურ და ინდურ ექსპონატებს, რომელთა მდგომარეობა სავალალო იყო.  100-ზე მეტ სამუზეუმო ნივთს დაუბრუნდა ახალი სიცოცხლე მუზეუმის პროფესიონალ  რესტავრატორთა წყალობით. კვლევის დასკვნით ეტაპზე, დაგეგმილია მასალათა ინტერნეტ-სივრცეში განთავსება, რათა საქართველოს ეროვნული მუზეუმის საუკეთესო ექსპონატები ხელმისაწვდომი და ცნობილი გახდეს ფართო საზოგადოებისათვის. იგეგმება თემატური გამოფენაც, სადაც  გამოიფინება საქართველოს მუზეუმებში დაცული შორეული აღმოსავლეთის და ინდური ხელოვნების, როგორც რესტავრირებული, ისე  აქამდე უცნობი და მნიშვნელოვანი ექსპონატები. მზადდება მონოგრაფიაც, რომელიც  გააერთიანებს  პროექტის ფარგლებში დასახულ მეცნიერულ კვლევებს და განხორციელებული სამუშაოს ანგარიშებს,  ვფიქრობთ, პროექტის შედეგები მცირედით მაინც შეავსებს იმ ვაკუუმს, რაც საქართველოში აღმოსავლეთის ცივილიზაციათა ხელოვნების და კულტურის შესწავლის სფეროში არსებობს.  

2013 წლის ფუნდამენტური კვლევებისათვის საგრანტო კონკურსში გაიმარჯვა პროექტმა: ქართული ვაზის ჯიშები: დაცვის მენეჯმენტი. პროექტის სამეცნიერო მიმართულებაა აგრარული მეცნიერებები. სამეცნიერო ხელმძღვენალი გახლავთ დავით მაღრაძე - სოფლის მეურნეობის მეცნიერებათა აკადემიური დოქტორი. აქტუალობა: ვაზის ქართული გენოფონდი ერთ-ერთი უძველესი და უმდიდრესია მსოფლიოში: ადგილობრივი ჯიშების რაოდენობა 500-ს აღემატება, ხოლო ახალსელექციური ჯიშების და კლონური ვარიაციების ჩათვლით მისი რაოდენობა 600-ს აჭარბებს. ამ გენოფონდის კონსერვაცია და შესწავლა მეტად აქტუალურია, როგორც ქართული აგრონომიული მემკვიდრეობის დაცვის გარანტი. მიზანი: სკრისა (გორის რაიონი) და ვაჭევის (ზესტაფონის რაიონი) კოლექციების მენეჯმენტი, მათში ქართული ჯიშების მაქსიმალური შენარჩუნება და ახლით გამდიდრება; შესწავლა და დახასიათება კვლევის თანამედროვე მეთოდებით; უკეთესების გამორჩევა კულტივირებისა და სელექციური პროგრამებისათვის; ქართული გენოფონდის პოპულარიზაცია საქართველოში და საერთაშორისო დონეზე, ქართული ღვინის ასორტიმენტის გაფართოების მცდელობა. ამოცანები : სკრისა და ვაჭევის კოლექციებში ვაზის ქართული ჯიშების გარანტირებული დაცვა; ახალი კოლექციების აპრობაცია; ქართული ჯიშების კომპლექსური შესწავლა ამპელოგრაფიული, ციტოგენეტიკური, ემბრიოლოგიური, სამეურნეო და ენოლოგიური პარამეტრებით; ამპელოგრაფიული კატალოგის მომზადება ელექტრონულ და ბეჭდურ ფორმატში; საზოგადოებრივი ინტერესის ამაღლება ქართული გენოფონდის უნიკალურობისადმი. შედეგები: სამი წლის განმავლობაში გეგმაზომიერად მიმდინარეობდა სკრისა და ვაჭევის კოლექციების მენეჯმენტი, რამაც განაპირობა ამ კოლექციების შევსება ნაკლული ქართული ჯიშებით და იქ არსებული გენოფონდის კონსერვაცია, როგორც ქართული აგრონომიული მემკვიდრეობის დაცვის გარანტია. ამავდროულად, პროქტის გამოცდილებამ გვიჩვენა, რომ ვაზის იმ ქართული ჯიშების ძიებას, რომლებიც არ არიან დაცული საქართველოს ვაზის კოლექციებში, კიდევ აქვს პერსპექტივა და უნდა გაგრძელდეს როგორც საქართველოს ტერიტორიაზე, ასევე იმ უცხოურ კოლექციებში ან მევენახეობის ქვეყნებში, სადაც ვაზის ქართული ჯიშები გვხვდება ან გვხვდებოდა უახლოეს წარსულში. ვაზის 200-მდე ჯიშის შესწავლა განხორციელდა ამპელოგრაფიის, აგრონომიის, ფენოლოგიური, ბიოქიმიის, ენოლოგიის, ციტოგენეტიკის, ემბრიოლოგიის თანამედროვე კვლევის მეთოდებით; 100 ჯიშზე მეტი გამოიცადა ჭრაქის მიმართ გამძლეობაზე; ყველა შესწავლილი ჯიშის აღწერასა და დახასიათებაში გამოყენებული იქნა ცალკეული ორგანოების ფოტოსურათების ნაკრები. შედეგად, გაიზარდა შესწავლილი ვაზის ქართული ჯიშების რაოდენობა, რომელთაგან პერსპექტიულებს მიეცათ რეკომენდაცია კულტივირებისათვის და სელექციურ პროგრამებში ჩასართველად თანამედროვე მოთხოვნების შესაბამისი ახალი ჯიშების გამოყვანის მიზნით; ჯიშების ამპელოგრაფიული, აგრონომიული, ფენოლოგიური, ბიოქიმიური  და ენოლოგიური მასალა გაერთიანდა ლოკალურ ელექტრონულ მონაცემთა ბაზებში. გამოცემული იქნა ვაზის ჯიშების ორი ილუსტრირებული კატალოგი 24 ფართოდ გავრცელებული ჯიშის აღწერით პრაქტიკოსი მევენახეებისათვის და 152 საკოლექციო ჯიშის დახასიათებით ფართო ამპელოგრაფიული საზოგადოებისათვის; პროექტის შედეგებზე დაბეჭდილია 7 სამეცნიერო სტატია. პროექტის შედეგების და გენოფონდის პოპულარიზაცია ხდებოდა პრეზენტაციების, კონფერენციების და პუბლიკაციების საშუალებით საქართველოში და მის ფარგლებს გარეთ, რაც ზრდის საზოგადოებრივ ინტერესს მათდამი. შედეგად მივიღეთ ა) უცხოელ მეცნიერთა დაინტერესება ჩვენი გენოფონდით და მონაწილეობა ევროპულ პროექტებში COST FA1003 და YESVITE. ბ) ქართველ მიწათმოქმედთა შორის ვაზის იშვიათი, საკოლექციო ჯიშებისადმი ინტერესის ზრდა. ამ გამოცდილებიდან გამომდინარე ანალოგიური აქტივობები შენარჩუნებული იქნება მომავალ წლებშიც ქართული გენოფონდის პოპულარიზაციისათვის.

2011 წლის ფუნდამენტური კვლევებისათვის საგრანტო კონკურსში გაიმარჯვა პროექტმა N 11/03 : დარტყმითი ტალღის დინამიკა ნეიტრალურ აირებსა და პლაზმაში, ივ. ჯავაიშვილის სახელობის თბილისის სახელმწიფო უნივერსიტეტის პროფესორის სულხან ნანობაშვილის ხელმძღვანელობით. პროექტის მიზანი იყო დეტალურად შესწავლილიყო დარტყმითი ტალღის ევოლუცია და დინამიკა როგორც ნეიტრალურ გარემოში, ასევე პლაზმაში. პროექტის ამოცანები დაიყო ორ ძირითად ნაწილად: 1 ) დარტყმითი ტალღის ევოლუცია და დინამიკა ნეიტრალურ აირებში    და  2 ) დარტყმითი ტალღის ევოლუცია და დინამიკა პლაზმაში .    პროექტის განხორციელებისათვის შეიქმნა: 1)  უნივესალური ვაკუუმური დანადგარ ი , რომელშიც შესაძლებელი იქნა წნევის ცვლილების ფართო დიაპაზონში  შესწავლილიყო დტ-ის დინამიკა, როგორც ნეიტრალურ აირებში, ასევე სუსტად იონიზებულ პლაზმაში. 2 ) ვაკუუმური დანადგარი, რომელშიც ხდებოდა დტ-ის სხვადასხვა დიამეტრის რგოლური-ნაპერწკლური განმუხტველის ინსტალირება. ამ გზით იქმნებოდა ტოროიდული დტ და ტოროიდის ცენტრში ხდებოდა კრებადი დტ-ეს კუმულიაცია. 3)  განხორციელდა CO 2 ლაზერის კომპლექსის   (განმუხტვის ძირითადი ბლოკების, მაღალი ძაბვის კვების წყაროს, მისი მართვის და კონდენსატორული ბატარეიის, სამუშაო გაზის - CO 2 , He და N - ნარევის დამზადების სტენდის და სხვა) პრაქტიკულად თავიდან აწყობა, ტესტირება და გაწყობა.   პროექტის განხორციელების პერიოდში: 1)  აგრეთვე გაგრძელდა მუშაობა, ტოკამაკ COMPASS -ზე  (ჩეხეთის მეცნიერებათა აკადემიის პლაზმის ფიზიკის ინსტიტუტი) სხვადასხვა ზემაღალსიხშირული დიაგნოსტიკური მოწყო-ბილობების დამუშავებისათვის, გამოცდისა და აქტიური ექსპერიმენტებისათვის. ექსპერიმენტების შედეგად დადგინდა: 1)  ნაპერწკლური წყაროს საშუალებით შესაძლებელია დტ-ის (სფერულის  და  ბრტყელის)  საიმედოდ მიღება დაბალი წნევის პირობებში p=3 ტორამდე, 2)  გაზის წნევა შემცირებისას დტ-ის ამპლიტუდა მცირდება და მახის რიცხვი იზრდება. დაბალი წნევის დროს p=3 ტორი , მახის რიცხვი აღწევს M= 5.2, 3)  წნევის დიაპაზონში p=1÷10 ტორი,   წყაროდან მნიშვნელოვან მანძილზე (30 სმ-მდე)   ბრტყელი დტ-ის სიჩქარე პრექტიკულად არ იცვლება, 4)   პლაზმაში დტ-ის ამპლიტუდა მნიშვნელოვნად ეცემა, მაშინ როდესაც მისი სიჩქარე მკვეთრად, 35%- ით იზრდება,    5)   პლაზმაში დტ-ის სიჩქარის ზრდა დაკავშირებულია ნეიტრალური აირის ტემპერატურის ზრდასთან T a = 500÷600 K-მდე  (იზომება თერმოწყვილით), 6)   დტ-ის ამპლიტუდის შემცირება დაკავშირებულია პლაზმაში ძლიერ დისიპაციურ მოვლენებთან. ეს ეფექტი დაკავშირებული უნდა იყოს აგრეთვე ე.წ.      იზოტოპურ ეფექტთანაც, რაც შესაძლებელია შემოწმდება  შემდგომი ექსპერიმენტულ კვლევებით. 7)   ტოროიდული ნაპეწკლური წყაროს საშუალებით რეალურად იქმნება ერთიანი დტ, რომელიც მოძრაობს ცენტრისაკენ და ცენტრში ქმნის მძლავრ კუმულიაციურ ეფექტს, რომელასაც თან სდევს ძლიერი ნათება ცენტრალურ არეში და მძლავრი ჭავლების გამოსროლა ტოროიდის ცენტრიდან მისი  სიბრტყის მართობულად ორივე მიმართულებით. ეს ეფექტი ძალიან ჰგავს ცნობილი ასტროფიზიკურ jet -ებს, რაც კვლევების გაგარძელების მოტივაციას იძლევა. 8)  კუმულიაციის არეში აგრეთვე შეინიშნება ე.წ. მახის ტალღის   ფორმირება. 9)   დტ-ის დიდი დიამეტრის ტოროიდული წყაროს შემთხვევასი ( d >100 მმ ),  დტ-ის წერტილოვან წყაროდან ახლოსვე, პლაზმა ჩამორჩება დტ-ის ფრონტს და ცენტრში მიმდინარე კუმულიაციურ ეფექტებში ის საერთოდ არ ღებულობს მონაწილეობს. ეფექტები სრულადაა განპირობებული დტ-ის კუმულიაციით. საგრანტო პროექტის ფარგლებში მიღებული შედეგები წარდგინდა 4 საერთაშორისო კონფერენციასა და სიმპოზიუმზე და გამოქვეყნებული იქნა 8 საერთაშორისო მაღალრეიტინგულ რეფერირებად, რეცენზირებად სამეცნიერო ჟურნალებში: 2012, “Toroidal Shock Wave Dynamics Near the Area of Cumulation” In Proc. 25 th Symposium on Plasma Physics and Technology SPPT 25 th , Prague, Czech Republic, June 18-21, 2012. S.Nanobashvili, G.Gelashvili, M.Mdivni-shvili, I.Nanobashvili,G.Rostomashvili, 2012, „First Results from EBW Emission Diagnostics on COMPASS" Rev. Sci. Instrum., V.83, 10E327, 2012 AIP Publishing, USA J.Zajac, J.Preinhaelter, J.Urban, S.Nanobashvili, F.Zacek et al. 2013 „Modernization and calibration of interferometer of TOKAMAK Compass“ IEEE,2013,s.571-575. ISBN 978-1-4799-1066-3; IEEE Publishing, USA Varavin M., Zajac J., Žáček F., Nanobashvili S. et al; 2013, „Possible Use of Dynamic Ergodic Divertor as a Contactless Biasing in Tokamaks“ ECA, Vol. 37D, P5.171, 2013 European Physical Society Publishing, EU I.Nanobashvili; 2014, “Shock Wave Propagation in Neutral Gases and Weakli ionized Plasma” In Proc. 25 th Symposium on Plasma Physics and Technology SPPT 26 th , Prague, Czech Republic, June 16-19, 2014, S.NanobaSvili, G.GelaSvili, M. MdivniSvili, I.Nanobashvili, G.Rostomashvili, G.Tavxelidze 2014, „New Design of Microwave Interferometer for Tokamak COMPASS“ Telecommunications and Radio Engineering,V.73, N 10, pgs. 935-942, 2014 This journ. consists of  transl. from two Russian journ.: Ele-ktrosvyaz' and Radiotekhnik. Publisher J.Wiley, USA  Varavin M., Zajac J., Žáček F., Nanobashvili S. et al;   2014, „Investigation of Intermittent Burst Characteristics for Bwttwr Understending of Plasma Turbulent Transport in Tokamaks“ Plasma Physics and Technology, V.1, №1, p.26, 2014 Czech Technical University in Prague, Czech Republic I.Nanobashvili                               2014, „Shock Wave Propagation in Neutral Gases and Weakly Ionized Plasma“ Plasma Physics and Technology, V.1, №2, p.93, 2014 Czech Technical University in Prague, Czech Republic S.Nanobashvili, G.Gelashvili, M.Mdivnishvili,I.Nanobashvili, G. Rostomashvili, G.Tavkhelidze